Yaponiyada təsirli olan “Şanşan” qasırğasının törətdiyi güclü yağış və torpaq sürüşməsi nəticəsində ilkin hesablamalara görə 3 nəfər ölüb, 40 nəfər yaralanıb.
Kyodo News-un məlumatına görə, Yaponiya Meteorologiya Agentliyi (JMA) rəsmiləri Şanşan qasırğasının ölkənin cənubunda təsirli olduğunu bildirib.
Səlahiyyətlilər, güclü yağış və küləyin təsirli olduğu Kaqosima, Kumamoto və Miyazaki əyalətlərində ilkin məlumatlara görə, 40 nəfərin yaralandığını bildirib.
Səlahiyyətlilər tayfun səbəbiylə Aiçi əyalətində baş verən sürüşmədə 3 nəfərin həyatını itirdiyini açıqlayıb və bölgə sakinlərinə baş verə biləcək təbii fəlakətlərə qarşı diqqətli olmaları barədə xəbərdarlıq edib.
Səlahiyyətlilər bəzi bölgələrdə qatar xidmətlərinin və reyslərin ləğv edildiyini, bəzi yaşayış məntəqələrində elektrik enerjisinin kəsildiyini bildirib.
JMA dünən Şanşan tayfunu səbəbiylə Kaqoşima bölgəsi üçün təcili xəbərdarlıq edib və tayfunun sürətinin saatda 250 kilometrə çatdığı təxmin edildiyini açıqlayıb.
