Şimali Koreya ilə Cənubi Koreya arasında gərginlik səngimək bilmir. Nəhayət, Cənubi Koreyaya 'zibil balonları' göndərən Şimali Koreyanın Demilitarizasiya Bölgəsində tikinti işləri ilə məşğul olduğu iddia edildi.
Cənubi Koreyanın Yonhap xəbər agentliyi Şimali Koreyanın Demilitarizasiya Bölgəsində tikinti işləri apardığını iddia edib.
Yonhap-ın adı açıqlanmayan hərbi mənbəyə istinadən verdiyi xəbərə görə, Şimali Koreya ordusunun Hərbisizləşdirilmiş Bölgədəki fəaliyyətlərinin səbəbi məlum deyil.
Hərbi mənbə Şimali Koreyanın Demilitarizasiya Bölgəsindəki Hərbi Demarkasiya Xətti ilə Şimal Demarkasiya Xətti arasındakı bəzi ərazilərdə divar tikmək, torpaq qazmaq və yol çəkmək kimi fəaliyyətlər həyata keçirdiyini bildirib.
Cənubi Koreya Baş Qərargahından verilən açıqlamada, təxminən 20 Şimali Koreya əsgərinin iyunun 9-da Koreyaları birləşdirən və Hərbisiz Bölgədə yerləşən Hərbi Demarkasiya Xəttini keçdiyi bildirilib.
