Rusiyada günəbaxan qiymətləri son bir həftə ərzində 200 rubl artıb və 1 tonunun qiyməti 36,9 min rubla çatıb.
Sahibkartv.az xəbər verir ki, bunu kənd təsərrüfatı bazarlarının öyrənilməsi üzrə ixtisaslaşmış "Sovekon" analitik şirkəti bildirib.
"Keçən həftə günəbaxan üçün orta qiymətlər 200 rubl artıb - 36,9 min rubl/tona qədər. Ayın əvvəlindən kotirovkalar artıq 12% yüksəlib", -deyə şirkətdən bildirilib.
Analitiklərə görə,  zavodlar bu həftə günəbaxanı üçün alış qiymətlərini artırıb. Alıcılar, yayın ikinci yarısında isti və quru hava şəraitilə əlaqədar Volqa bölgəsində məhsuldarlığın azaldığından narahatdırlar. Ölkədəki bütün əkin sahələrinin 45% -i bölgənin payına düşür. Hava şəraiti digər bölgələrdə də bitkilərin vəziyyətinə mənfi təsir göstərib.
Eyni zamanda, xam günəbaxan yağı qiymətləri istehsalın mövsümi səbəbindən 3.325 min rubl azalaraq tonu 83.175 min rubla düşüb. İxracat qiymətləri güclü tələbat fonunda 20 dollar artaraq bir ton üçün 1,26 min dollara yüksəlib. Sentyabr ayında ixrac rüsumu bir ton üçün 170 dollar, oktyabrda bir ton üçün 227 dollar olaraq müəyyən edilmişdir. 
"Sovekon" mütəxəssisləri yaxın gələcəkdə günəbaxan bazarında qiymət artımının sona çatacağını və ehtimal ki, düşəcəyini gözləyirlər. "Bazar, məhsuldarlğın pisləşməsini qiymətlərdə əks etdirdi, yaxın gələcəkdə yağ müəssisələri önümüzdəki aylarda fəaliyyət göstərmək üçün kifayət qədər ehtiyat yığacaq. Mövcud məhsuldarlığa baxmayaraq (hektardan 1,6 ton, bir il əvvəl hektardan 1,7 ton), bu il günəbaxan məhsulu əkin sahələrinin əhəmiyyətli dərəcədə artması səbəbindən keçən ilki məhsulu əhəmiyyətli dərəcədə üstələyəcək.