Yeni növ koronavirus (Covid-19) pandemiyası ilə əlaqədar yaşanan çətin dövrün ardından dünyanın iqlim dəyişikliyi və qida təhlükəsizliyi problemlərilə qarşı-qarşıya qala biləcəyi, qıtlıq yaşana biləcəyi xəbərdarlığı edilir.
Sahibkartv.az xəbər verir ki, pandemiyası ilə əlaqədar olaraq 2020-ci ildə bir çox ölkə öz vətəndaşlarının qida təhlükəsizliyini təmin etmək üçün daha himayəçilik siyasətlərinə yönəlirlər. Rusiya kimi böyük buğda istehsalçıları ixraca limit ya da qadağalar tətbiq edib, Çin, Pakistan və Səudiyyə Ərəbistanı kimi ölkələr də buğda ehtiyatlarını artırmaqdadırlar.
Covid-19 iqtisadi və sosial həyata mənfi təsirlər edərkən, iqlim dəyişikliyi və quraqlıq da qlobal miqyasda aqrar istehsalı təhdid edir.
Dünya Qida Proqramının (WFP) Direktoru David Beasley etdiyi açıqlamada, 2021-ci ildə qorxunc səviyyədə bir qıtlıq olacağı iddia edib. Covid 19 pandemiyasının qida təhlükəsizliyi üzərində çox dağıdıcı təsirləri olduğuna işarə edən Beasley, qida problemi ilə qarşı-qarşıya qalan insan sayının artacağını bildirib.