Bu ilin yanvar-avqust aylarında Azərbaycanla Çin arasında ticarət dövriyyəsinin həcmi 1,136 mrld. ABŞ dolları təşkil edib ki, bu da 2020-ci ilin eyni dövrü ilə müqayisədə 13,1% azdır.
Dövlət Gömrük Komitəsinin dərc etdiyi göstəricilər əsasında aparılmış hesablamalarına görə, hesabat dövründə ixracın həcmi 130,170 mln. dollar təşkil edib ki, bu da illik müqayisədə 3,2 dəfə azdır. İdxal isə 1,006 mlrd. dollara bərabər olub ki, bu da illik müqayisədə 13,2% çoxdur.
Nəticədə, 2021-ci ilin ilk səkkiz ayında 876,004 mln. dollarlıq mənfi ticarət saldosu yaranıb ki, bu göstərici illik müqayisədə 86,7% çoxdur.