Tarixdə ilk dəfə olaraq Avropa fyuçers bazarında təbii qazın qiyməti 1000 kubmetr üçün 900 dolları keçib.
Sahibkartv.az xəbər verir ki, bu, ICE birjasının  ticarət məlumatlarından məlum olur.
Birjada TTF spot indeksinin oktyabr fyuçerslərinin dəyəri MWh başına 75,565 avroya və ya 1000 kubmetrə 923 dollara çatıb.
Rusiya hökuməti yanında Maliyyə Universitetinin enerji mütəxəssisi İqor Yuşko verdiyi müsahibəsində, Avropada qiymət artımının səbəbinin mayeləşdirilmiş təbii qaz çatışmazlığı olduğunu bildirib.
Milli Enerji İnstitutunun direktoru Sergey Pravosudov isə, verdiyi müsahibəsində, yeraltı anbarlarda qazın az olması və qışda bunun kifayət etməyəcəyi qorxusundan treyderlərin birjalarda qiyməti artırdığını deyib.
Ekspertlər, Avropada qazın qiymətinin müəyyən şərtlər altında 1000 kubmetr üçün 1000 dollara çata biləcəyini etiraf etdilər.
Həmçinin yanacağın qiyməti Asiyadakı qaz bazarındakı vəziyyətdən, Avropadakı havadan və "Şimal axını 2"nin işə salınma vaxtından asılı olacaq.