Reuters və Rusiyanın TASS xəbər agentliyinin məlumatına görə, Pegasus və Flyone Armenia aviaşirkətləri fevralın 2-dən İstanbul və İrəvan arasında qarşılıqlı uçuşlara başlayacaq.
Sahibkartv.az xəbər verir ki, Reuters-in şirkət sözçüsünə istinadən verdiyi məlumata görə, ötən həftə uçuş icazəsi üçün Ermənistan Mülki Aviasiya Komitəsinə müraciət edən Pegasus, ilk İstanbul-İrəvan uçuşunu fevralın 2-də edəcək. Şirkət geri dönüş uçuşunu fevralın 3-də həyata keçirəcək.
Russiyanın xəbər agentliyi TASS da öz məlumatında bildirib ki, dekabr ayında uçuş icazəsi üçün müraciət edən "Flyone Armenia" ilk İrəvan-İstanbul uçuşunu fevralın 2-də yerinə yetirəcək.
Bildirilir ki, qarşılıqlı uçuşların başlanması münasibətlərin normallaşması prosesində atılan addımlardan biri ola bilər.