Vaşinqton və Tehran arasında mövcud olan mübahisə yaranmış fikir ayrılıqlarını aradan qaldırmaq üçün hələ də çox böyükdür. Bu barədə ABŞ-nin vitse-prezidenti Cey Di Vens bəyan edib.
"News Nation" xəbər verir ki, tərəflər razılığa gələ bilməyiblər.
"Hesab edirəm ki, bu, ABŞ-dan daha çox İran üçün pis xəbərdir", — deyə Vens jurnalistlərlə ünsiyyət zamanı bildirib.
O, görüşün yekunları ilə bağlı ətraflı şərh verməkdən imtina edib, lakin xatırladıb ki, Ağ Evin əsas məqsədi İranın nüvə silahı hazırlamasının qarşısını almaq olub və belə də qalır.
Danışıqlar Pakistanın İslamabad şəhərində keçirilib və 20 saatdan çox davam edib. Görüş zamanı nə foto, nə də videoçəkiliş aparılıb. İki dövlətin yüksək rütbəli şəxsləri 1979-cu ildən bəri ilk dəfə şəxsən görüşüblər.
