İranın Ali Rəhbəri Müctəba Xamenei ölkəsinin müharibədən qalib çıxdığını bəyan edib. O, bu fikirləri Əli Xameneinin ölümünün 40-cı günü münasibətilə yayımlanan müraciətində səsləndirib.

Müctəba Xamenei bildirib ki, düşmənin endirdiyi zərbələrə və ölkəyə dəyən ziyana baxmayaraq, İran Silahlı Qüvvələri bu müharibəni “böyük qələbəyə” çevirə bilib.

Onun sözlərinə görə, qarşı tərəfin hücumları ciddi dağıntılar törətsə də, nəticə etibarilə İran ordusu üstünlüyü ələ alaraq prosesin gedişini öz xeyrinə dəyişib.