Tehran 70 saatdan çoxdur ki, internetsiz qalıb.

 İran paytaxtında mobil telefon xidməti gündüzlər fasilələrlə, gecələr isə tamamilə kəsilir. SMS mesajlaşma da deaktiv edilib.
Yanvarın 12-də ABŞ prezidenti Donald Tramp bildirib ki, Vaşinqton, Starlink mobil terminalları vasitəsilə də daxil olmaqla, İran sakinlərinin internetə çıxışını bərpa etmək üçün addımlar ata bilər. 

Tramp deyib ki, məsləni İlon Maskla müzakirə edə bilər.

Qeyd edək ki, yanvarın 8-dən etibarən  İranda internet kəsilib. Bəzi ərazilərdə telefon xidməti də məhdudlaşdırılıb. Bunun hökumətin etirazçılara qarşı həyata keçirdiyi tədbirlərin bir hissəsi olduğu düşünülür. Əsas milli media qurumlarının veb saytları müvəqqəti olaraq əlçatan deyil.