Ukrayna Prezidenti Vladimir Zelenski Ukraynada seçkilərin keçirilməsi üçün əsas şərtləri açıqlayaraq  prezident postundan yapışmaq niyyətində olmadığını bildirib.
Zelenskinin sözlərinə görə, müharibə dövründə seçkilərin təşkili Ukrayna qanunvericiliyində qanunvericilik dəyişikliklərini tələb edəcək.
"Digər tərəfdən, əgər Ukrayna vətəndaşlarından bu seçkiləri istəyib-istəmədiklərini və onlara hazır olub-olmadıqlarını soruşsanız, şübhəsiz ki, hər kəs müharibə dövründə seçkilərin keçirilməsindən qorxduğunu deyəcək. Heç kim bunun necə təhlükəsiz və ədalətli şəkildə edilə biləcəyini təsəvvür edə bilməz", - o vurğulayıb.
Zelenski vurğulayıb ki, əgər bu cür seçkilər zamanı insanların təhlükəsizliyini təmin etmək, insanların seçki məntəqələrinə gələrkən sadəcə öldürülməməsi mümkündürsə, mən buna tamamilə tərəfdaram.
O həmçinin qeyd edib ki, ABŞ-ın tələbi yalnız Ukraynadakı prezident seçkiləri ilə bağlıdır.