Sahibkartv.az xəbər verir ki, Türkiyə 2025-ci ildən qadın sahibkarlar üçün xüsusi "Smart Business Villages" layihəsinə start verir.
Layihə çərçivəsində ölkənin müxtəlif bölgələrində yaradılacaq bu ağıllı biznes kəndlərində qadın sahibkarlara rəqəmsal infrastruktur, texnologiya dəstəyi, startap akseleratorları və təlim proqramları təqdim ediləcək.
"Smart Business Villages" layihəsinin əsas məqsədi qadınların iqtisadi fəallığını artırmaq, regionlarda innovativ qadın bizneslərini gücləndirmək və sosial-iqtisadi inkişafı təşviq etməkdir.
Kəndlərdə qadınlar e-ticarət, agrar texnologiyalar, sosial sahibkarlıq, rəqəmsal xidmətlər sahələrində öz layihələrini quracaq, dövlət və özəl sektorun investisiya imkanlarından yararlana biləcək.
Türkiyə hökuməti bu layihə ilə qadın sahibkarların güclənməsini və regionların inkişafında aparıcı rol oynamasını hədəfləyir.
