Sahibkartv.az xəbər verir ki, Fransa hökuməti 2025-ci ildən ölkənin qida sənayesi üzrə fəaliyyət göstərən startaplar üçün xüsusi 6 aylıq akselerator proqramına start verir.
Layihənin məqsədi qida texnologiyaları, kənd təsərrüfatı məhsullarının emalı, dayanıqlı qida istehsalı və innovativ qida xidmətləri sahəsində gənc sahibkarları dəstəkləməkdir. Proqram çərçivəsində seçiləcək 100 startap maliyyə dəstəyi, texniki təlimlər və mentorluq imkanları qazanacaq.
Fransa Kənd Təsərrüfatı və Qida Nazirliyi bildirir ki, akselerator proqramına daxil olan startaplara yaradıcılıq mərkəzlərindən istifadə, investorlarla birbaşa əlaqələr və beynəlxalq bazarlara çıxış imkanı da təqdim olunacaq.
Hökumət layihənin nəticəsində yeni nəsil qida texnologiyaları və davamlı qida istehsalı sahəsində innovativ brendlərin ortaya çıxacağını və ölkənin qida sənayesində rəqabət qabiliyyətinin daha da artacağını proqnozlaşdırır.
