Türkiyə Milli Komandasının futbolçusu Merih Dəmiralın qol sevincini paylaşdığı “Boz Qurd salamı” ilə bağlı müzakirələr davam edərkən, “Boz Qurd salamı” işarəsi ilə eyni olan “Sessiz tülkü” (Leisefuchs-Schweigefuchs) işarəsi , Almaniyada uşaq bağçalarında və məktəblərdə səs-küy salan uşaq və şagirdlərə xəbərdarlıq etmək üçün istifadə edilən ) xəbərdarlığı da gündəmə gətirildi.

Müəllim və məşqçilərin uşaqları və şagirdləri “səs-küy salmayın” xəbərdarlığı üçün orta və adsız barmaqları baş barmaqla birləşdirərək, şəhadət və kiçik barmağını qaldıraraq istifadə etdikləri bu işarədən Almaniyanın Bremen əyalətində artıq istifadə edilməyəcək. 'Boz Qurd salamı' ilə qarışdırıla biləcəyi və daha müasir olmadığı səbəbiylə istifadə edilməyəcəyi açıqlandı. O da bildirilib ki, Bremendən olan alman ailələr uzun müddətdir ki, bu işarənin icrasına son qoyulmasını tələb edirlər. Digər tərəfdən, Almaniyanın bir çox əyalətinin, xüsusilə Hamburqun Bremenin bu istiqamətdəki qərarını bəyənmədiyi açıqlanıb.