Day, Month 00, Year
00: 00: 00 AM
"29 milyard dollar vergi borcunuz var"

Microsoft şirkəti, ABŞ Daxili Gəlir Xidmətindən (IRS) 28,9 milyard dollar əlavə vergi ödəməsi üçün bildiriş aldığını açıqlayıb.

"29 milyard dollar vergi borcunuz var"

Microsoft, 2004-2013 vergi dövrü üçün IRS-dən bildiriş aldığını açıqlayıb.
Sahibkartv.az-ın məlumatına görə, Microsoft bu barədə ABŞ Qiymətli Kağızlar və Birja Komissiyasına (SEC) açıqlama verib.

Açıqlamada bildirişin şirkətin mənfəətini müxtəlif ölkələr və bölgələr arasında necə bölüşdürdüyünü yoxlamaq üçün IRS ilə davam edən mübahisə ilə bağlı olduğu və bu çərçivədə IRS-in Microsoft-dan əlavə  28,9 milyard dollar vergi  o cümlədən cərimələr və faizlər ödəməsini tələb etdiyi qeyd edilib.
Açıqlamada Microsoft-un IRS-in əlavə vergi tələbi ilə razılaşmadığı və lazım gəldikdə vəziyyətlə bağlı məhkəmə orqanlarına müraciət ediləcəyi bildirilib.
Açıqlamada Microsoft-un ABŞ-da və dünyada hər zaman IRS qaydalarına əməl etdiyi və vergilərini ödədiyi vurğulanıb və 2004-cü ildən bu yana ABŞ-a 67 milyard dollardan çox vergi ödəndiyi qeyd edilib.
Açıqlamada, şirkətin 30 sentyabr tarixinə gəlir vergisi ehtiyatlarının kifayət qədər olduğu vurğulanıb.

Tarix: 12-10-2023, 09:09 Oxunub: 181


Bölməyə aid digər xəbərlər