Sahibkartv.az xəbər verir ki, illərdir nəsildən-nəslə ötürülən “Qoz ağacının altında yatmaq və ya oturmaq bəla gətirir” inancı elmi baxımdan izah edilib.

Alimlərin araşdırmalarına görə, qoz ağacları sülfür qazı ifraz edir. Bu qaz havadan daha ağır olduğundan ağacın dibinə toplanır və uzun müddət orada qalan insanlarda başgicəllənmə və halsızlıq yarada bilər.

Bundan əlavə, qoz ağacları parazitlərə və bəzi xəstəliklərə həssasdır. Ağacın dibində uzun müddət qalmaq bu səbəblə müəyyən risklər daşıyır.

Çiçəkləmə dövründə isə ağac polen yayır ki, bu da allergiyası olan şəxslərdə öskürək, asqırma və narahatlıq doğura bilər.

Elm adamları qeyd edirlər ki, qoz ağacı 100 ildən çox ömür sürə bilər və ekosistemin tarazlığının qorunmasında mühüm rol oynayır. Onun bəzi ifraz etdiyi maddələr torpaqdakı zərərli mikrobları azaldır, faydalı mikroorqanizmlərin isə çoxalmasına kömək edir.