Sahibkartv.az xəbər verir ki, bəzi dəniz məhsulları, xüsusilə də yay aylarında düzgün saxlanmadıqda — məsələn, midiyə, karides və müxtəlif növ balıqlar — insan sağlamlığı üçün ciddi risklər yarada bilər. İstidə tez xarab olan bu məhsullar, əgər soyuducu şəraitdə saxlanılmırsa və ya düzgün bişirilmirsə, qida zəhərlənməsinə və hətta daha ağır fəsadlara səbəb ola bilər.

Bununla belə, mütəxəssislər bildirirlər ki, keyfiyyətli, təzə və sanitar qaydalara uyğun şəkildə saxlanılan dəniz məhsulları yay mövsümündə insan orqanizmi üçün olduqca faydalıdır. Bu məhsullar zülalla zəngindir, orqanizmin duz-elektrolit balansını qorumağa kömək edir və enerjini artırır. Xüsusilə günəş şüaları və isti hava səbəbindən bədəndə yaranan mineral itkisini kompensasiya etmək üçün təbii və bioloji dəyəri yüksək olan dəniz məhsullarının düzgün miqdarda və düzgün formada qəbulu tövsiyə olunur.

Qidalanma mütəxəssisləri həmçinin vurğulayırlar ki, bu cür məhsulların alışında yalnız lisenziyalı və etibarlı satıcılara üstünlük verilməlidir. Çünki dəniz məhsullarının keyfiyyəti onların haradan alındığı və necə saxlanıldığı ilə birbaşa əlaqəlidir.