2022-ci ilin yanvar ayında əhalinin (fiziki şəxslərin) banklardakı əmanətləri 394,3 milyon manat artaraq 01 Fevral 2022-ci il tarixində 9 milyard 635,8 milyon manat təşkil edib. Yanvarın əvvəlində əhalinin əmanətləri 9 milyard 241,5 milyon manat təşkil etmişdi. 
Sahibkartv.az Mərkəzi Banka istinadən xəbər verir ki, yanvarda müddətli depozitlər52,4 milyon manat artaraq 5 milyard 391,4 milyon manata, tələbli depozitlər 372,1 milyon manat artaraq 4 milyard 65,5 milyon manat qalxıb, sahibkarlıqla məşğul olan fiziki şəxslərin depozitləri isə 30,1 milyon manat azalaraq 178,9 milyon manata düşüb.  
2022-ci ilin yanvar ayında 52,4 milyon manat artmış müddətli depozitlər ötən ilin noyabr ayında 160,2 milyon manat, dekabr ayında 80,2 milyon manat artmışdı. Müddətli əmanətlərin artım tempinin aydan-aya azalması inflyasiya əlqaqədr olaraq manat əmanətlərinə olan tələbin azaldığını göstərir. Azərbaycanda illik inflyasiya (12,5%) bankların təklif etdikləri əmanət faizlərini (əsasən 6-11% civarında) üstələyib. Qısası, əmanətətçilər real olaraq zərər ilə üzləşiblər. 
Müddətli depozitlər:
Müqavilə əsasında razılaşdırılmış müddətdə bankda yerləşdirilir və həmin müddət üçün faiz dərəcələri hesablanır. Vəsaiti vaxtından əvvəl hesabdan götürdükdə faizlərin bir hissəsini itirmək mümkündür.
Tələbli depozitlər:
Müştəri öz vəsaitini qeyri müəyyən müddətə bankda yerləşdirir və istədiyi anda bankdan çıxara bilir. Belə məbləğlərə ya ümumiyyətlə faiz hesablanmır.