2021-ci ilin yanvar-iyun ayları ərzində 546 investisiya layihəsinin maliyyələşdirilməsinə 36.6 milyon manat güzəştli kredit verilib. 
Sahibkartv.az xəbər verir ki, bunu Tvitter səhifəsindən İqtisadiyyat naziri Mikayıl Cabbarov bildirib.
Nazir qeyd edib ki, verilmiş kreditlər hesabına investisiya layihələri üzrə 1 009 yeni iş yerinin yaradılması nəzərdə tutulur.
Bu müddət ərzində verilmiş kreditlərin 97,1%-i mikro, kiçik və orta sahibkarlıq subyektlərinin payına düşür. Güzəştli kreditlərin 58,2%-i kənd təsərrüfatı məhsullarının istehsalı və emalı, 28,1%-i  sənaye məhsullarının istehsalı və emalı, 13,7%-i digər sahələrə verilib.