Sahibkartv.az xəbər verir ki, bu gün Azərbaycanın 3 güləşçisi Xorvatiyanın paytaxtı Zaqrebdə keçirilən dünya çempionatında mübarizəyə başlayacaq.
Yarışın səkkizinci günündə yunan-Roma güləşçilərimizdən Murad Məmmədov (63 kq) Bayaman Kərimov (Qırğızıstan), Həsrət Cəfərov (67 kq) Neyser Marimon Hidalqo (Venesuela), İslam Abbasov (87 kq) isə Stanislav Şafarenkoy (UWW) ilə üz-üzə gələcək.
Eyni zamanda, Ülvi Qənizadə (72 kq) final görüşündə Fransa təmsilçisi İbrahim Qanemə qarşı çıxacaq. Nihat Məmmədli (60 kq) və Murad Əhmədiyev (97 kq) isə bürünc medal uğrunda mübarizə aparacaqlar.
Qeyd edək ki, indiyədək yığmanın aktivində 4 medal var: Giorgi Meşvildişvili (125 kq) gümüş, Eldəniz Əzizli (55 kq), Nürəddin Novruzov (61 kq), Arseniy Djioyev (86 kq) və Osman Nurmaqomedov (92 kq) isə bürünc mükafat əldə edib.
