"Formula 1" üzrə dünya çempionatında çıxış edən "Alpin" komandası pilotu Fernando Alonsoya yeni müqavilə təklif edəcək.
"Sahibkartv.az" xəbər verir ki, bu barədə komandanın rəhbəri Otmar Zafnauer AS nəşrinə açıqlamasında bildirib.
58 yaşlı funksioner 41 yaşlı 2 qat dünya çempionunu daha bir il komandada görmək istədiklərini söyləyib.
Alonso 2005 və 2006-cı ildə dünya çempionu adını qazanıb. Təcrübəli sürücü dünya çempionatının ilk 5 mərhələsindən sonra 2 xalla 16-cı pillədə qərarlaşıb. "Ferrari"də çıxış edən Şarl Lekler hazırda 104 xalla liderdir.
Qeyd edək ki, cari mövsüm "Formula 1" üzrə Azərbaycan Qran-prisi 10 - 12 iyunda keçiriləcək.