ABŞ-la Venesuela arasında neft yataqlarının işlənməsinə dair müqavilə Pentaqona 17 Venesuela yatağından neft almaq üçün üstünlük hüququ verir.

 Reuters xəbər verir ki, ABŞ Müdafiə Nazirliyi ümumi həcmin 20 faizini bazar qiymətlərindən kənar - istehsal maya dəyəri ilə, qalan hissəsini isə bazar qiymətləri ilə ala biləcək.

Bundan əlavə, Pentaqon birgə müəssisədə 35 faiz pay alacaq. Saziş, xarici investisiyalar cəlb edilərkən ABŞ payını azalmadan qoruyan və layihənin başlanğıcından divident əldə etməyə imkan verən səhmləri nominal dəyərində geri almaq opsiyası ilə qurulub.