Qətər Xarici İşlər Nazirliyi İranın hərbi və təhlükəsizlik attaşelərinə və onların əməkdaşlarına 24 saat ərzində ölkəni tərk etmələrini əmr edib.

BBC xəbər verir ki, bu barədə Qətər XİN-dən verilən açıqlamada deyilir: “Həm hərbi attaşe, həm də səfirliyin təhlükəsizlik attaşesi, eləcə də işçi heyəti arzuolunmaz şəxs elan edilib və biz onların ölkəni maksimum 24 saat ərzində tərk etmələrini tələb edirik”.
Bu, İranın neft və qaz obyektlərinin yerləşdiyi Ras Laffan sənaye mərkəzinə hücumundan sonra baş verib.

Qətər hakimiyyəti əvvəllər Ras Laffana edilən hücumun milli təhlükəsizliyə birbaşa təhdid olduğunu bildirib.