Son xəbərlər
Day, Month 00, Year
00: 00: 00 AM

Ukrayna–Rusiya–ABŞ danışıqları Ərəb torpağında – martda həlledici mərhələ

Baxış: 45


Ukrayna prezidenti Volodimir Zelenski növbəti üçtərəfli Ukrayna–Rusiya–ABŞ formatında görüşün böyük ehtimalla Birləşmiş Ərəb Əmirliklərində keçiriləcəyini açıqlayıb.

 Zelenski axşam müraciətində bildirib ki, ukraynalı və amerikalı danışıqlarçılar artıq Cenevrə şəhərində bir araya gəliblər və növbəti mərhələ üçün hazırlıq səviyyəsi artıb. Onun sözlərinə görə, görüşün martın əvvəlində Əbu-Dabi şəhərində baş tutması gözlənilir.

Prezident vurğulayıb ki, əsas məqsəd indiyədək əldə olunan nəticələri real təhlükəsizlik təminatları səviyyəsinə çatdırmaq və liderlər səviyyəsində zirvə görüşünə zəmin hazırlamaqdır.

“Artıq növbəti üçtərəfli format üçün daha çox hazırlıq var. Ümid edirik ki, format martın əvvəlində baş tutacaq. Liderlər səviyyəsində görüş bir çox məsələləri həll edə bilər”, – deyə Zelenski bildirib.

Ukrayna lideri xüsusilə qeyd edib ki, Rusiya kimi personalist idarəçilik sistemində son qərarların birbaşa lider tərəfindən verilməsi danışıqların formatını daha da önəmli edir. Onun fikrincə, məhz liderlər masası real və uzunmüddətli təhlükəsizlik mexanizmlərinin formalaşmasında həlledici rol oynaya bilər.

Təsisçi və redaktor: Rüstəm Zülfüqarlı
Tel: +994 50 537 55 05
Ünvan: Bakı şəhəri, Yasamal rayonu, Mətbuat prospekti, 529-cu məhəllə, Azərbaycan Nəşriyyatı

“Sahibkartv.az” saytı Azərbaycan Respublikası Media Reyestrində rəsmi qeydiyyata alınmışdır.
(Qeydiyyat Şəhadətnaməsi № 3568E1527C938D).
VÖEN: 6100325452
© Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.