Özbəkistanın Fərqanə şəhərində bir kişi Ukraynadakı hərbi əməliyyatlarda iştirak etdiyinə görə məhkum edilib.

Podrobno.uz saytı xəbər verir ki, Fərqanə rayon Cinayət Məhkəməsi 28 yaşlı Özbəkistan vətəndaşını muzdluluqda təqsirli bilib və onu 3 il müddətinə azadlıqdan məhrum edib.

İş materiallarına görə, təqsirləndirilən şəxs 2025-ci ilin fevral ayında Rusiya ordusuna qoşulub.
Ötən il onu Rusiyada immiqrasiya qaydalarını pozduğuna görə saxlayıblar və döyüşçü olaraq müharibəyə getməsi üçün müqavilə təklif ediblər. Özbək gənc deportasiya olunmaqdan qorxaraq razılaşıb. O, Voronej vilayətində hərbi təlim keçdikdən sonra mart ayında müharibə zonasına köçürülüb.

Xidmət müddətində özbək muzdlu əlindən xəsarət alıb və hərbi hospitalda müalicə olunub. Xidmətə qayıtdıqdan sonra o, Rusiya bölmələrini ərzaqla təmin etmək işinə baxıb. 2025-ci ilin iyul ayında o, Özbəkistana məzuniyyətə gəlib və orada hüquq-mühafizə orqanları tərəfindən saxlanılıb. Adam günahını etiraf edib və vətəndaşs Cinayət Məcəlləsinin 154-cü maddəsinin 1-ci hissəsi (“Muzdluluq”) ilə cinayət işi açılıb.

Özbəkistan hakimiyyəti dəfələrlə həmvətənlərinə xəbərdarlıq edib ki, münaqişənin motivindən və ya tərəfindən asılı olmayaraq, xarici ərazilərdə silahlı münaqişələrdə iştirak cinayətdir.

Onu da qeyd edək ki, son həftələrdə bu, Rusiya ordusunun təkibində Ukraynaya qarşı müharibədə iştirak edən üçüncü şəxsin məhkum edilməsidir. Rusiya Mərkəzi Asiyadan olan miqarntları kütləvi şəkildə “ovlayır”, şantaj edərək (əsasən uzunmüddətli həbslə və ağır rejimlü türmələrdə məhv etməklə) müharibəyə göndərir.

Eyni üsul Azəbaycan vətəndaşlrına qarşı da tətbiq edilir. Hazırda yüzlərlə vətəndaşımızin zorla və şirnikləndirməklə müharibəyə aparıldığı barədə informasiyalar var.

Ən pisi odur ki, bizimkilərin çoxu müharibədən salamat qayıtmır, yaralanıb sıradan çıxanlar isə RF ərazisində qalmağa üstünlük verirlər, çünki vətəndə onları cəza gözlədiyini bilirlər.