İranın xarici işlər naziri Abbas Araqçi Ukrayna prezidenti Volodimir Zelenski ilə bağlı son dərəcə sərt və qalmaqallı bəyanatla çıxış edib.

 Əraqçi Zelenskini ABŞ və Avropa vergiödəyicilərinin pullarını mənimsəməkdə, bu vəsaitləri isə “korrupsiyaya bulaşmış generalların ciblərinə yönəltməkdə” ittiham edib. Onun sözlərinə görə, Kiyev rəhbərliyi bütün bunları guya BMT Nizamnaməsinin pozulmasına qarşı mübarizə pərdəsi altında gizlədir.

İran XİN başçısı bildirib ki, Zelenski eyni zamanda açıq şəkildə ABŞ-ı İrana qarşı qanunsuz hərbi təcavüzə çağırır ki, bu da beynəlxalq hüququn və BMT Nizamnaməsinin kobud şəkildə pozulması deməkdir.

“Dünya bu bəsit klounlardan bezib, cənab Zelenski. Xaricdən dəstəklənən və muzdlularla dolu ordunuzdan fərqli olaraq, biz – iranlılar – özümüzü müdafiə etməyi bacarırıq və yad qüvvələrdən kömək dilənməyə ehtiyac duymuruq”, – deyə Araqçi vurğulayıb.