Cənubi Koreyada həkimlərin tətili səbəbindən xərçəng əməliyyatlarının sayı azalıb

Yonhap-ın məlumatına görə, ana müxalifət partiyası olan Demokrat Partiyasının nümayəndələrindən biri Kim Yoon ölkədə həyata keçirilən xərçəng əməliyyatları ilə bağlı Səhiyyə Sığortasına Baxış və Qiymətləndirmə Xidmətinin (HIRA) məlumatlarını paylaşıb.

Məlumatlara görə, Cənubi Koreyada fevral ayından həkimlərin tətili səbəbindən xərçəng əməliyyatlarının sayında azalma müşahidə olunur.

Ölkə daxilində fevral-iyun ayları arasında xərçəng əməliyyatı keçirən xəstələrin sayı 57 min 244 olaraq qeyd edildi. Bu say 2023-cü ilin eyni dövrü ilə müqayisədə yüzdə 16,3 azalaraq 11 min 181 nəfər azalıb.

Bildirilib ki, bu azalma ölkənin “beş böyük xəstəxanası” adlandırılan səhiyyə müəssisələrində 29 faiz olaraq qeydə alınıb.

Koreya Xərçəng Xəstələrinin Hüquqları Şurasının rəsmisi, "Xərçəng xəstələri üçün ən əsas müalicə cərrahiyyədir. Tibb mütəxəssisləri xəstələrin həyatına məhəl qoymurlar. Bunu xərçəng əməliyyatlarının kəskin şəkildə azalması sübut edir". fikrini müdafiə etdi.

Nə oldu?

Cənubi Koreya Səhiyyə Nazirliyi kənd yerlərində və mühüm tibb sahələrində səhiyyə xidmətlərinin qeyri-kafi olması səbəbindən tibb fakültəsi kvotalarını 2 min nəfər artırmaq qərarına gəlib.

Bunun üzərinə ölkədəki həkimlər fevralın 20-də başda paytaxt Seul olmaqla bir çox şəhərdə hökumətin planının "tibbi təhsil və xidmətin keyfiyyətinə xələl gətirəcəyi" səbəbiylə etiraz aksiyaları təşkil etmiş və minlərlə kursant həkim istefa vermişdi. İstefa verən 5 minə yaxın stajçıya doktorluq lisenziyalarının dayandırılacağı xəbərdarlığı edilib.

İntern və assistent həkimlərin kütləvi şəkildə istefaya getməsi ilə əlaqədar martın 8-də tibb bacılarına təcili yardımda xəstələrə ürək masajı və dərman müalicəsi aparmağa icazə verilib.

Tibb professorları martın 16-da kvotaların artırılmasına etiraz edən intern həkimlərə hökumətin çarə tapması üçün martın 25-dən etibarən istefalarını işlədikləri universitetlərə təqdim edəcəklərini açıqlamışdılar. Hökumət kvotaların artırılmasına etiraz edən intern həkimlərə dəstək olaraq istefalarını verməyə hazırlaşan bir çox tibb fakültəsi professorlarını “Koreya xalqını şantaj etməkdə” ittiham etmişdi.

İntern həkimlərə dəstək verən tibb professorları da martın 25-dən istefa ərizələri verməyə başlayıblar.

Etirazların davam etdiyi bir vaxtda ölkədəki universitetlərə 2 min əlavə kvota, paytaxt Seuldakı tibb fakültələrinə isə əlavə kvota ayrılmayıb.

Cənubi Koreya prezidenti Yoon Suk Yeol aprelin 1-də xalqa müraciətində tibb fakültələrinə kvotaların artırılmasına qarşı etirazlara qarşı geri addım atmayacaqlarını bildirib.

Tarix: 9-09-2024, 16:01 Oxunub: 13