WP: Hindistan Banqladeşin keçmiş baş naziri Hasinanı hakimiyyətdə saxlamaq üçün ABŞ-a təzyiq etdi

"Washington Post" qəzeti Hindistan rəsmilərinin yanvarın 7-də Banqladeşdə keçirilən ümumi seçkilərdən əvvəl, ölkədə seçkilərlə bağlı təzyiqlərin artmasının ardından ABŞ rəsmiləri ilə görüşdüyünü bildirib.

Xəbərə görə, Hindistan və ABŞ rəsmiləri 1 il əvvəl görüşüb.

Hindistan rəsmiləri Banqladeşdə keçiriləcək seçkilərdən narahat olduqlarını bildirərək, Hasinanın əvəzinə müxalifətin qalib gələcəyi təqdirdə Hindistanın təhlükəsizliyinin təhlükə altında olacağı fikrini bildiriblər.

Prezident Co Bayden administrasiyasının Banqladeş polisi və məmurlarına 2021-ci ildə insan haqlarını pozduqlarına görə sanksiya tətbiq etmək qərarına və onun Banqladeşdə seçkilər öncəsi tənqidlərinə baxmayaraq, ABŞ rəsmiləri ilə görüşən Hindistan hökumətinin müşavirlərindən biri “Siz (ABŞ) bunu qiymətləndirirsiniz. Bu məsələyə demokratiya nöqteyi-nəzərindən baxsaq, bizim üçün problem daha ciddidir”. dedi.

ABŞ VƏ HİNDİSTANIN BANQLADEŞ SİYASƏTİ

Hasinanın qələbəsi ilə başa çatan ümumi seçkilərdən sonra iyul ayında baş verən şiddətli etirazlardan sonra ölkəsini tərk edərək Hindistana getməsi ABŞ və Hindistanın Banqladeşdəki siyasətlərini yenidən nəzərdən keçirməsinə səbəb oldu.

ABŞ-da bəzi rəsmilər Hasinaya qarşı daha sərt münasibət göstərilməli olduğunu iddia edərkən, digərləri Hasinanı daha da uzaqlaşdırmağın təhlükəli ola biləcəyini irəli sürdülər.

Hindistan isə ABŞ-ı Hasinanı güclü saxlamağa çağırıb.

Digər tərəfdən, Hindistandakı bəzi rəsmilər ölkələrinin Banqladeşdəki vəziyyəti yanlış qiymətləndirdiyini və bu səbəbdən də uzun müddət Hasinanı dəstəklədiklərini etiraf edərkən, ABŞ rəsmiləri isə Hasinanın ölkəni tərk etməsində ölkələrinin rol oynadığı iddialarını qəti şəkildə rədd etdilər.

NƏ OLDU?

Tələbələrin rəhbərlik etdiyi etirazlar 1971-ci ildə Banqladeşdə Müstəqillik Müharibəsində iştirak etmiş şəxslərin övladlarına dövlət kvotalarının ayrılması qərarından sonra iyulun ortalarında başlayıb.

İyulun sonunda Ali Məhkəmənin kvota dərəcələrini azaltması ilə etirazların başa çatdığı açıqlanıb.

Nümayişlərdəki zorakılıqlara görə məsuliyyət daşıyan Camaatı İslam Partiyası və onun tələbə qanadının fəaliyyəti qadağan edildikdən sonra küçələrə çıxan etirazçılar bu dəfə nümayişlərdə həyatını itirənlərə “ədalət” çağırışı ediblər.

Banqladeşdə nümayişlər zamanı yüzlərlə insan həyatını itirib, minlərlə insan isə zorakılıq nəticəsində saxlanılıb.

Zorakılıq hadisələri artmaqda davam edərkən, baş nazir Şeyx Hasina rəsmi iqamətgahını tərk edərək hərbi helikopterlə Hindistana getdi, nümayişçilər isə Baş nazirin rəsmi iqamətgahına basqın etdilər.

Siyasi partiya nümayəndələri ilə görüşən Banqladeş ordusunun komandanı general Vaker-Uz-Zaman Hasinanın istefa verdiyini və müvəqqəti hökumətin qurulacağını açıqlayıb.

Nobel mükafatı laureatı Məhəmməd Yunus avqustun 8-də müvəqqəti hökumətin başçısı kimi and içərək vəzifəsinin icrasına başlayıb.

Tarix: 16-08-2024, 09:04 Oxunub: 27