ABŞ Ətraf Mühitin Mühafizəsi Agentliyi 30 ştatda iqlimin çirklənməsinin azaldılması layihələrini maliyyələşdirmək üçün 4,3 milyard dollar qrant ayıracağını açıqlayıb.
Qurumdan verilən açıqlamada qeyd olunub ki, 30 ştatda seçilən 25 layihə maliyyələşdiriləcək.
Bəyanatda qeyd olunub ki, iqlim böhranı ilə mübarizə, havanın çirklənməsinin azaldılması, ekoloji ədalətin inkişafı və Amerikanın təmiz enerjiyə keçidinin sürətləndirilməsinə yönəlmiş həllərin həyata keçirilməsi üçün 4,3 milyard dollardan çox qrant veriləcək.
Açıqlamada, bütün hüquqi və inzibati tələblər yerinə yetirildikdən sonra vəsaitin bu ilin sonunda paylanmasının planlaşdırıldığı və layihələrin 2050-ci ilə qədər istixana qazlarının çirklənməsini 971 milyon metrik ton karbon qazı ekvivalentinə azaltmasının gözlənildiyi bildirilib.
