“Sahibkartv.az” xəbər verir ki, bu barədə “Financial Times” məlumat yayıb.
İyunun əvvəlində ABŞ Maliyyə Nazirliyi amerikalı investorların təkrar bazarda Rusiyanın suveren və korporativ istiqrazlarını almasını qadağan etməklə, Rusiya borcuna qarşı sanksiyalar rejimini sərtləşdirdi.
Nazirliyin yeni dəqiqləşdirmələri faktiki olaraq Rusiya borcu ilə ticarəti dayandırdı.
Lakin iyulun sonunda ABŞ Xəzinədarlığının sanksiyaların tətbiqi qolu olan OFAC (ABŞ Maliyyə Nazirliyinin Xarici Aktivlərə Nəzarət İdarəsi-red) müştərilərinə Rusiya istiqrazlarında mövqelərini bağlamağa kömək etmək üçün banklara lisenziyası vasitəsilə Rusiya istiqrazları ilə ticarət etmək üçün 3 aylıq pəncərə açdığını bəyan edib. 
Avropa tənzimləyiciləri də müştərilərinin risklərini azaltmaq üçün banklara bu cür əməliyyatlar yetirməyə icazə verib.