Türkiyə Prezidenti Rəcəb Tayyib Ərdoğanın iştirak etdiyi mərasimlə Mersinin Taşucu Limanında "Abdülhamid Han" adlı qazma gəmisi yola salınıb. 12 min 200 metrədək qazma işini həyata keçirən bilən gəmi təbii qaz axtarışı ilə məşğul olacaq.
Sahibkartv.az xəbər verir ki, mərasimdə çıxış edən Türkiyə prezidenti Rəcəb Tayyib Ərdoğan bildirib:
"Bu gün "Abdülhəmid Han" gəmimizi mavi vətənə, yeni qazma marşrutumuzu Şərqi Aralıq dənizinə göndəririk. "Abdülhəmid Han" gəmimizi Qazi Paşadan 55 kilometr uzaqlıqdakı "Yörüklər-1" quyusuna göndərəcəyik".
Gəminin uzunluğu 238 metr, eni isə 42 metrdir. Onun hündürlüyü 112 metrdir. 12 min 200 metr qazma qabiliyyətinə malik olan gəminin heyəti 200 nəfərdir. 9 mərtəbəli gəminin helikopter meydançası da var. Gəminin üstün texnologiyası ilə dünyada nadir qazma gəmiləri arasında olduğu bildirilir.