Bir qrup tədqiqatçı qəzet kağızından tamamilə təbii və parçalanan qablaşdırma materialı istehsal edib. Sahibkartv.az xəbər verir ki, Bu material plastikdən fərqli olaraq, təbiətdə bir neçə ay ərzində parçalanır və torpağa heç bir zərərli maddə buraxmır. Layihə artıq qida sənayesində böyük maraq doğurub, çünki bu qablaşdırmalar ərzaqların saxlanma müddətini uzadır və eyni zamanda ətraf mühitin çirklənməsinin qarşısını alır. Tədqiqatçılar materialın ucuz istehsal prosesinə malik olduğunu bildirirlər və bu yeniliyin dünya miqyasında plastik tullantı probleminə böyük töhfə verəcəyinə inanırlar.