Azərbaycan və Türkiyə xarici işlər nazirlərinin geniş tərkibdə görüşü olub
13:35 / 18-01-2025
Hökumənin atasına dələduzluq: "Kapital Bank"dan açıqlama
12:30 / 18-01-2025
H.Əliyevanın ailəsinə qarşı edilən dələduzluqla bağlı cinayət işi başlanılıb
12:21 / 18-01-2025
Azərbaycan Prezidenti Hakan Fidanı qəbul edib
12:17 / 18-01-2025
Azərbaycanda meymunçiçəyi virusuna yoluxma faktı aşkarlanıb - RƏSMİ
11:26 / 18-01-2025
Qəzzada atəşkəsə 5 ölkə nəzarət edəcək
11:14 / 18-01-2025
Hakan Fidan Bakıya gəlib
11:10 / 18-01-2025
Toyuq əti ilə bağlı narazılıq: "Keyfiyyət məsələsi ilə heç kim məşğul olmur"
10:18 / 18-01-2025
Toyuq əti ilə bağlı narazılıq: "Keyfiyyət məsələsi ilə heç kim məşğul olmur"
10:18 / 18-01-2025
Kremldə namaz qıldı - FOTO
10:13 / 18-01-2025
Növbəti köç karvanı Cəbrayıla yola düşüb
10:07 / 18-01-2025
Yaşıl Enerji Sahəsində Mikrosahibkarlıq İnqilabı
22:14 / 17-01-2025
Süni İntellekt Sahibkarlıqda Yeni Perspektivlər Yaratmağa Davam Edir
21:46 / 17-01-2025
Əşyaların İnterneti (IoT) Sahibkarlıqda Yeni Səhifə Açır
21:17 / 17-01-2025
Mərakeşdə 2000 İl Yaşayan Zeytun Ağacı Hələ də Meyvə Verir
21:00 / 17-01-2025
Aqrar Texnologiyalar Kənd Təsərrüfatını Yenidən Şəkilləndirir
20:45 / 17-01-2025
Arayik Azərbaycan xalqından üzr istədi
20:43 / 17-01-2025
Dron Texnologiyası ilə Yeni Sahibkarlıq Sahələri Açılır
20:24 / 17-01-2025
Dayanıqlı Sahibkarlıq
20:00 / 17-01-2025
Bərpa Olunan Enerji Sahibkarlığın Gələcəyini Formalaşdırır
19:41 / 17-01-2025
Mərkəzi Afrikada Əsir Götürülmüş Fillər "Sərbəstlik Ordusu" Yaratdı
19:30 / 17-01-2025
Virtual Tədbirlər Sahibkarlıq Mədəniyyətini Dəyişdirir
19:19 / 17-01-2025
Mikro Sahibkarlıq Ekosistemləri
19:00 / 17-01-2025
Psixoloji Xidmətlər Sahibkarlığın Yeni Trendi Olur
18:52 / 17-01-2025
Əbədi Tətil: Sahibkarlar Üçün Yeni "Yavaş Turizm" Modeli
18:23 / 17-01-2025
Texnologiya ilə Qida İstehsalı: Şaquli Ferma Sahibkarlığı
18:00 / 17-01-2025
Sahibkarlığın Sərhədləri Uzaq Yerlərə Genişlənir
17:39 / 17-01-2025
Tullantısız Gələcək Yolunda Addım
17:16 / 17-01-2025
Biohacking Sahibkarlıqda Yeni Bir Sektoru Formalaşdırır
17:00 / 17-01-2025
Metaverse Sahibkarlıq
16:38 / 17-01-2025
Baydenin “ümidləri” Qafqaza təhlükədir: Bakı Ağ Evi “sevindirmək” niyyətində deyil
Azərbaycan öz milli maraqlarını ABŞ-ın Cənubi Qafqazdakı hədəflərinə uyğunlaşdırmaq məcburiyyətində deyil, Ağ Ev dəstəklədiyi Ermənistana beynəlxalq hüquq normalarını təlqin etməyincə, planları boşa çıxmaqda davam edəcək... Əgər, Ağ Ev bu regionda ABŞ-ın maraqlarını düşünürsə, onda ilk növbədə ermənipərəstlikdən uzaqlaşmalıdır və rəsmi Bakı ilə təzyiq deyil, məhz qarşılıqlı anlaşma prinsiplərinə uyğun münasibətlər qurmağa çalışmalıdır...
Cənubi Qafqaz dünya nəhəngləri arasında artıq “nifaq alması”na çevrilmiş kimi görünür. Bu regionda geopolitik oyunçuya çevrilmək üçün ABŞ, Avropa Birliyi və Fransa son vaxtlar Cənubi Qafqazda cərəyan edən proseslərə daha aktiv müdaxilə etməyə çalışır. ABŞ və Qərb Rusiyanı bu regiondan sıxışdırıb, çıxartmaq üçün bütün təzyiq mexanizmlərindən istifadə edir. ABŞ, Avropa Birliyi və Fransanın regional maraqlarında da kəskin ziddiyyətlər mövcud olsa da, hələlik Rusiyaya qarşı ortaq mövqedən çıxış etməyə cəhd göstərirlər. Və bu məsələdə Ermənistandan “geopolitik alət” kimi istifadə edirlər.
Onu da qeyd etmək lazımdır ki, ABŞ və Qərb Ermənistan üzərindən Rusiyaya qarşı geopolitik savaş açsa da, bu qarşıdurmanın yekun nəticələri məhz Azərbaycanın mövqeyindən asılıdır. Çünki Cənubi Qafqazda şəriksiz geopolitik iradə mərkəzi funksiyaları hazırda rəsmı Bakının əlində cəmləşib. Ona görə də, həm ABŞ və Qərb, həm də Rusiya Cənubi Qafqazda öz hədəfləri üzərindən manevr etmək üçün Azərbaycanın verəcəyi reaksiyanı mütləq nəzərə almaq məcburiyyətindədir. Və bu reallıq hər iki tərəfi rəsmi Bakının dəstəyini qazanmaq məcburiyyətində də buraxır.
Son bir neçə il ərzində baş verənlər onu göstərir ki, Kremldə Azərbaycanın Cənubi Qafqazda hegemon mövqeyi ilə artıq barışmağa başlayıblar. Ona görə də, Rusiya rəsmi dairələri Azərbaycanla anlaşma variantını həmişə ön planda tutmağa üstünlük verir. İki dövlət arasında ziddiyyət yarada biləcək problemlərin qabardılmasından mümkün qədər yayınmağa çalışır. Və bu səbəbdən də, rəsmi Bakının Kremllə olduqca qəliz görünən bəzi regional problemlər üzərində anlaşma əldə etməsi qətiyyən çətinlik törətməyib.
Ancaq eyni prosesi ABŞ, Avropa Birliyi və Fransaya aid etmək qətiyyən mümkün deyil. Belə ki, ABŞ və Qərb hələlik Azərbaycanla imkan daxilində təzyiqlər vasitəsilə münasibətlər qurmağa cəhd göstərir. Qərbdə çox yanlış olaraq, belə qənaətə gəliblər ki, Azərbaycanla anlaşmaq deyil, onu geopolitik güzəştlərə məcbur etmək lazımdır. Üstəlik, ABŞ və Qərb yenə də çox böyük səhvə yol verərək, Azərbaycana qarşı təzyiq kampaniyasını məhz Ermənistana istinadla yönəltməyə üstünlük verir. Və nəticədə rəsmi Bakının sərt müqaviməti ilə üzləşməli olur.
Məsələ ondadır ki, ABŞ və Qərb Azərbaycanla münasibətlərdə Ermənistana tam dəstək verdiyini artıq qətiyyən gizlədə bilmir. Əksinə, hər imkanda rəsmi İrəvanın böhtan xarakterli, reallıqdan uzaq və absurd iddialarla yüklənmiş narrativlərini ön plana çıxarır. Nəticədə Qərb siyasi dairələri rəsmi Bakı ilə anlaşmaq şanslarından uzaq qalır. Və Cənubi Qafqazda Azərbaycan kimi prinsipial geopolitik rəqibin qətiyyətli müqavimət potensialı ilə qarşı-qarşıya qalmış olur.
Maraqlıdır ki, Ağ Ev sahibi Co Baydenin Azərbaycan Prezidenti İlham Əliyevə ünvanladığı məktubda da müəyyən ziddiyyətli məqamlar qabarıq şəkildə nəzərə çarpır. ABŞ prezidenti həmin məktubda vurğulayıb ki, Azərbaycan və Ermənistan arasında münasibətlərin normallaşdırılmasına xidmət edəcək sülh sazişinin yekunlaşdırılması istiqamətində iki ölkənin əldə etdiyi davamlı tərəqqidən məmnundur: “Sizi əmin etmək istəyirəm ki, ABŞ əsrlər boyu davam edən münaqişəyə nəhayət, son qoyacaq Azərbaycan ilə Ermənistan arasında dayanıqlı və ləyaqətli sülhün əldə edilməsinə dəstək verməyə hazırdır”.
İlk baxışdan, Ağ Ev sahibinin məktubu pozitiv və sülhpərvər məzmun daşımış kimi görünür. Ancaq prezident Co Baydenin bu dedikləri ilə Ağ Evin davranışları arasında kəskin ziddiyyətlərin olduğunu nəzərə aldıqda, situasiya ciddi şəkildə tünd rənglər almış olur. Çünki “sülh prosesi ilə bağlı tərəqqidən məmnun olan və dayanıqlı sülhün əldə edilməsinə dəstək vəd edən” Ağ Ev sahibi son vaxtlar ABŞ-ın Azərbaycana qarşı erməni narrativləri ilə yüklənmiş təzyiq cəhdlərinin, xüsusilə də, 907-ci düzəlişin hüquqi qüvvəsinin bərpa olunmasının əsl səbəblərini izah etməyi nədənsə, unudub. Və “sülhə dəstək verən” ABŞ-ın ermənipərəst davranışları hər halda, istər-istəməz müəyyən suallar doğurur.
Digər tərəfdən, prezident Co Bayden vurğulayıb ki, Azərbaycan lideri İlham Əliyev dünyanın diqqəti COP29 ilə bağlı Bakıya yönəldiyi bir vaxtda qlobal ictimaiyyətə sülhə sadiqliyini nümayiş etdirmək üçün misilsiz imkana malikdir: “Bildiyiniz kimi, sülh sazişinin razılaşdırılmamış bəndlərinə dair işin yekunlaşdırılması hər iki tərəfdən kreativlik və güzəşt tələb edəcək. Lakin əminəm ki, bu imkandan yararlanmağa davam edəcəksiniz. Mən Sizi cari ildə sazişi yekunlaşdırmağa dəvət edirəm”.
Təbii ki, Ağ Ev sahibi yenə də qeyri-müəyyən mövqedən çıxış etməyə üstünlük verir. Əks halda, Ermənistana beynəlxalq hüquq normaları çərçivəsində beş baza prinsipinə bağlı yekun sülh sazişinin imzalanması təklifinin müəllifinin məhz Azərbaycan Prezidenti İlham Əliev olduğunu da “unutmazdı”. Öz məktubunda Azərbaycan liderinin sülhə sadiq olduğunu artıq dəfələrlə nümayiş etdirdiyini vurğulayardı. Üstəlik, onu da nəzərə alardı ki, yekun sülh sazişinin mətni üzərində işin yekunlaşdırılmasında kreativliyə və güzətlərə deyil, məhz ədalətə və beynəlxalq hüquq normalarına istinad həlledici önəm daşıyır. Və bu məsələdə məhz ABŞ-ın himayəsində olan Ermənistan qeyri-konstruktiv, hətta pozucu mövqe tutur.
Nəhayət, Ağ Ev sahibinin Azərbaycan liderini cari ilin sonuna qədər yekun sülh sazişi üzərində işi başa çatdırmağa dəvət etməsi də mövcud situasiyadan yayınmaq cəhdi təsiri bağışlayır. Belə ki, yekun sülh sazişinin tam mətninin razılaşdırılması qarşısındakı əsas əngəl məhz ABŞ-ın öz dəstəyi ilə revanşizmə cəsarətləndirdiyi Ermənistanın siyasi manipulyasiyalarıdır. Çünki rəsmi İrəvan həm sülh sazişinin bəzi bəndləri ilə bağlı müzakirələri qəlizləşdirir, həm də Ermənistan konstitusiyasında Azərbaycana qarşı ərazi iddialarını aradan qaldırmaq istəmir. Və belə vəziyyətdə Ağ Ev sahibinin bu ilin sonuna qədər sülh sazişinin imzalanmasına “ümid bəsləməsi” olduqca şübhəli məqamdır.
Çünki əgər, Ağ Ev sahibi həqiqətən də bu ilin sonuna qədər sülh sazişinin imzalanmasında maraqlıdırsa, onda ABŞ-ın dəstəklədiyi Ermənistana beynəlxalq hüquq normalarının çərçivəsi daxilində davranmağın vacibliyini təlqin etməlidir. Halbuki, ABŞ prezidenti deyəsən, özünün belə əziyyətə salmaq barədə hələlik düşünmür. Belə situasiyadasa, Ağ Evin Cənubi Qafqazda sülh sazişinin Ermənistanın maraqlarına uyğun şərtlər daxilində imzalanmasına cəhd göstərdiyini düşünmək üçün ciddi əsaslar yaranır. Və Ağ Evin rəsmi Bakıya müxtəlif bəhanələrlə, hətta COP29 səbəbiylə təzyiq göstərməyə çalışdığı anlaşılır.
Ancaq rəsmi Bakının öz prinsipial mövqeyindən geri çəkiləcəyinə hazırda yalnız sadəlövhlər inana bilər. Azərbaycan öz milli maraqlarını ABŞ-ın Cənubi Qafqazdakı hədəflərinə uyğunlaşdırmaq məcburiyyətində deyil. Əgər, Ağ Ev Cənubi Qafqazda maraqlarının pozitiv nəticələr qazanmasını istəyirsə, neytral mövqe tutmalıdır, ədalətli olmalıdır və ermənipərəst yanaşma tərzindən dərhal uzaqlaşmalıdır. Və rəsmi Bakı ilə təzyiq metodları deyil, məhz qarşılıqlı anlaşma prinsiplərinə uyğun münasibətlər qurmağa çalışmalıdır.(musavat.com)
Bölməyə aid digər xəbərlər
Azərbaycan öz milli maraqlarını ABŞ-ın Cənubi Qafqazdakı hədəflərinə uyğunlaşdırmaq məcburiyyətində deyil, Ağ Ev dəstəklədiyi Ermənistana beynəlxalq hüquq normalarını təlqin etməyincə, planları boşa çıxmaqda davam edəcək... Əgər, Ağ Ev bu regionda ABŞ-ın maraqlarını düşünürsə, onda ilk növbədə ermənipərəstlikdən uzaqlaşmalıdır və rəsmi Bakı ilə təzyiq deyil, məhz qarşılıqlı anlaşma prinsiplərinə uyğun münasibətlər qurmağa çalışmalıdır...
Cənubi Qafqaz dünya nəhəngləri arasında artıq “nifaq alması”na çevrilmiş kimi görünür. Bu regionda geopolitik oyunçuya çevrilmək üçün ABŞ, Avropa Birliyi və Fransa son vaxtlar Cənubi Qafqazda cərəyan edən proseslərə daha aktiv müdaxilə etməyə çalışır. ABŞ və Qərb Rusiyanı bu regiondan sıxışdırıb, çıxartmaq üçün bütün təzyiq mexanizmlərindən istifadə edir. ABŞ, Avropa Birliyi və Fransanın regional maraqlarında da kəskin ziddiyyətlər mövcud olsa da, hələlik Rusiyaya qarşı ortaq mövqedən çıxış etməyə cəhd göstərirlər. Və bu məsələdə Ermənistandan “geopolitik alət” kimi istifadə edirlər.
Onu da qeyd etmək lazımdır ki, ABŞ və Qərb Ermənistan üzərindən Rusiyaya qarşı geopolitik savaş açsa da, bu qarşıdurmanın yekun nəticələri məhz Azərbaycanın mövqeyindən asılıdır. Çünki Cənubi Qafqazda şəriksiz geopolitik iradə mərkəzi funksiyaları hazırda rəsmı Bakının əlində cəmləşib. Ona görə də, həm ABŞ və Qərb, həm də Rusiya Cənubi Qafqazda öz hədəfləri üzərindən manevr etmək üçün Azərbaycanın verəcəyi reaksiyanı mütləq nəzərə almaq məcburiyyətindədir. Və bu reallıq hər iki tərəfi rəsmi Bakının dəstəyini qazanmaq məcburiyyətində də buraxır.
Son bir neçə il ərzində baş verənlər onu göstərir ki, Kremldə Azərbaycanın Cənubi Qafqazda hegemon mövqeyi ilə artıq barışmağa başlayıblar. Ona görə də, Rusiya rəsmi dairələri Azərbaycanla anlaşma variantını həmişə ön planda tutmağa üstünlük verir. İki dövlət arasında ziddiyyət yarada biləcək problemlərin qabardılmasından mümkün qədər yayınmağa çalışır. Və bu səbəbdən də, rəsmi Bakının Kremllə olduqca qəliz görünən bəzi regional problemlər üzərində anlaşma əldə etməsi qətiyyən çətinlik törətməyib.
Ancaq eyni prosesi ABŞ, Avropa Birliyi və Fransaya aid etmək qətiyyən mümkün deyil. Belə ki, ABŞ və Qərb hələlik Azərbaycanla imkan daxilində təzyiqlər vasitəsilə münasibətlər qurmağa cəhd göstərir. Qərbdə çox yanlış olaraq, belə qənaətə gəliblər ki, Azərbaycanla anlaşmaq deyil, onu geopolitik güzəştlərə məcbur etmək lazımdır. Üstəlik, ABŞ və Qərb yenə də çox böyük səhvə yol verərək, Azərbaycana qarşı təzyiq kampaniyasını məhz Ermənistana istinadla yönəltməyə üstünlük verir. Və nəticədə rəsmi Bakının sərt müqaviməti ilə üzləşməli olur.
Məsələ ondadır ki, ABŞ və Qərb Azərbaycanla münasibətlərdə Ermənistana tam dəstək verdiyini artıq qətiyyən gizlədə bilmir. Əksinə, hər imkanda rəsmi İrəvanın böhtan xarakterli, reallıqdan uzaq və absurd iddialarla yüklənmiş narrativlərini ön plana çıxarır. Nəticədə Qərb siyasi dairələri rəsmi Bakı ilə anlaşmaq şanslarından uzaq qalır. Və Cənubi Qafqazda Azərbaycan kimi prinsipial geopolitik rəqibin qətiyyətli müqavimət potensialı ilə qarşı-qarşıya qalmış olur.
Maraqlıdır ki, Ağ Ev sahibi Co Baydenin Azərbaycan Prezidenti İlham Əliyevə ünvanladığı məktubda da müəyyən ziddiyyətli məqamlar qabarıq şəkildə nəzərə çarpır. ABŞ prezidenti həmin məktubda vurğulayıb ki, Azərbaycan və Ermənistan arasında münasibətlərin normallaşdırılmasına xidmət edəcək sülh sazişinin yekunlaşdırılması istiqamətində iki ölkənin əldə etdiyi davamlı tərəqqidən məmnundur: “Sizi əmin etmək istəyirəm ki, ABŞ əsrlər boyu davam edən münaqişəyə nəhayət, son qoyacaq Azərbaycan ilə Ermənistan arasında dayanıqlı və ləyaqətli sülhün əldə edilməsinə dəstək verməyə hazırdır”.
İlk baxışdan, Ağ Ev sahibinin məktubu pozitiv və sülhpərvər məzmun daşımış kimi görünür. Ancaq prezident Co Baydenin bu dedikləri ilə Ağ Evin davranışları arasında kəskin ziddiyyətlərin olduğunu nəzərə aldıqda, situasiya ciddi şəkildə tünd rənglər almış olur. Çünki “sülh prosesi ilə bağlı tərəqqidən məmnun olan və dayanıqlı sülhün əldə edilməsinə dəstək vəd edən” Ağ Ev sahibi son vaxtlar ABŞ-ın Azərbaycana qarşı erməni narrativləri ilə yüklənmiş təzyiq cəhdlərinin, xüsusilə də, 907-ci düzəlişin hüquqi qüvvəsinin bərpa olunmasının əsl səbəblərini izah etməyi nədənsə, unudub. Və “sülhə dəstək verən” ABŞ-ın ermənipərəst davranışları hər halda, istər-istəməz müəyyən suallar doğurur.
Digər tərəfdən, prezident Co Bayden vurğulayıb ki, Azərbaycan lideri İlham Əliyev dünyanın diqqəti COP29 ilə bağlı Bakıya yönəldiyi bir vaxtda qlobal ictimaiyyətə sülhə sadiqliyini nümayiş etdirmək üçün misilsiz imkana malikdir: “Bildiyiniz kimi, sülh sazişinin razılaşdırılmamış bəndlərinə dair işin yekunlaşdırılması hər iki tərəfdən kreativlik və güzəşt tələb edəcək. Lakin əminəm ki, bu imkandan yararlanmağa davam edəcəksiniz. Mən Sizi cari ildə sazişi yekunlaşdırmağa dəvət edirəm”.
Təbii ki, Ağ Ev sahibi yenə də qeyri-müəyyən mövqedən çıxış etməyə üstünlük verir. Əks halda, Ermənistana beynəlxalq hüquq normaları çərçivəsində beş baza prinsipinə bağlı yekun sülh sazişinin imzalanması təklifinin müəllifinin məhz Azərbaycan Prezidenti İlham Əliev olduğunu da “unutmazdı”. Öz məktubunda Azərbaycan liderinin sülhə sadiq olduğunu artıq dəfələrlə nümayiş etdirdiyini vurğulayardı. Üstəlik, onu da nəzərə alardı ki, yekun sülh sazişinin mətni üzərində işin yekunlaşdırılmasında kreativliyə və güzətlərə deyil, məhz ədalətə və beynəlxalq hüquq normalarına istinad həlledici önəm daşıyır. Və bu məsələdə məhz ABŞ-ın himayəsində olan Ermənistan qeyri-konstruktiv, hətta pozucu mövqe tutur.
Nəhayət, Ağ Ev sahibinin Azərbaycan liderini cari ilin sonuna qədər yekun sülh sazişi üzərində işi başa çatdırmağa dəvət etməsi də mövcud situasiyadan yayınmaq cəhdi təsiri bağışlayır. Belə ki, yekun sülh sazişinin tam mətninin razılaşdırılması qarşısındakı əsas əngəl məhz ABŞ-ın öz dəstəyi ilə revanşizmə cəsarətləndirdiyi Ermənistanın siyasi manipulyasiyalarıdır. Çünki rəsmi İrəvan həm sülh sazişinin bəzi bəndləri ilə bağlı müzakirələri qəlizləşdirir, həm də Ermənistan konstitusiyasında Azərbaycana qarşı ərazi iddialarını aradan qaldırmaq istəmir. Və belə vəziyyətdə Ağ Ev sahibinin bu ilin sonuna qədər sülh sazişinin imzalanmasına “ümid bəsləməsi” olduqca şübhəli məqamdır.
Çünki əgər, Ağ Ev sahibi həqiqətən də bu ilin sonuna qədər sülh sazişinin imzalanmasında maraqlıdırsa, onda ABŞ-ın dəstəklədiyi Ermənistana beynəlxalq hüquq normalarının çərçivəsi daxilində davranmağın vacibliyini təlqin etməlidir. Halbuki, ABŞ prezidenti deyəsən, özünün belə əziyyətə salmaq barədə hələlik düşünmür. Belə situasiyadasa, Ağ Evin Cənubi Qafqazda sülh sazişinin Ermənistanın maraqlarına uyğun şərtlər daxilində imzalanmasına cəhd göstərdiyini düşünmək üçün ciddi əsaslar yaranır. Və Ağ Evin rəsmi Bakıya müxtəlif bəhanələrlə, hətta COP29 səbəbiylə təzyiq göstərməyə çalışdığı anlaşılır.
Ancaq rəsmi Bakının öz prinsipial mövqeyindən geri çəkiləcəyinə hazırda yalnız sadəlövhlər inana bilər. Azərbaycan öz milli maraqlarını ABŞ-ın Cənubi Qafqazdakı hədəflərinə uyğunlaşdırmaq məcburiyyətində deyil. Əgər, Ağ Ev Cənubi Qafqazda maraqlarının pozitiv nəticələr qazanmasını istəyirsə, neytral mövqe tutmalıdır, ədalətli olmalıdır və ermənipərəst yanaşma tərzindən dərhal uzaqlaşmalıdır. Və rəsmi Bakı ilə təzyiq metodları deyil, məhz qarşılıqlı anlaşma prinsiplərinə uyğun münasibətlər qurmağa çalışmalıdır.(musavat.com)
Tarix: 23-10-2024, 09:00 Oxunub: 39
Bölməyə aid digər xəbərlər
22-10-2024, 09:00
İrəvan yeni savaşın vaxtını təyin edib: ABŞ və Qərbin Gürcüstandan verəcəyi işarəni gözləyir
17-10-2024, 09:16
“3+3” formatı ABŞ və Qərbin planlarını pozur: Qafqaza kobud kənar müdaxilə bloklanacaq
16-10-2024, 09:00
Paşinyanın Zəngəzur dəhlizinə qarşı “layihə”si: Ermənistan sülh deyil, “savaş qovşağı”na çevrilir
9-10-2024, 10:00
Qafqazın taleyi Tiflisdə müəyyən olunur: Bakı və Ağ Evin maraqları bu dəfə Gürcüstanda toqquşur
1-10-2024, 09:00
ABŞ seçkiləri “erməni faktoru”nu tam bitirəcək: Ağ Evə Ermənistan daha lazım olmayacaq
30-09-2024, 09:17
Bakı ABŞ-ın ən qəliz planını pozmağı bacardı: Ağ Ev indi Paşinyana Rusiya qadağası qoymağa məcburdur
25-09-2024, 09:00
Qərbin Qafqazda dağıdıcı "xaos planı" son mərhələyə keçirilib: Kreml İrəvanın "ipini çəkməzsə", Rusiya regionu itirəcək
11-10-2023, 10:30
"Skripkanı çalan Fransadır" - PREZİDENT QARABAĞDAKI VƏZİYYƏT BARƏDƏ GENİŞ MƏLUMAT VERDİ
10-05-2023, 09:49
Ümummilli Lider Heydər Əliyev - dövlətə və xalqa xidmətin ali meyarını yaratmış tarixi şəxsiyyət
3-02-2023, 17:16
Cənub Qaz Dəhlizi Məşvərət Şurası çərçivəsində nazirlərin 9-cu, Yaşıl Enerji Məşvərət Şurası çərçivəsində nazirlərin 1-ci iclaslarının açılışı olub
1-11-2022, 17:23
Prezident İlham Əliyev Əlcəzairdə Şəhidlər abidəsini və Milli Mücahidlər Muzeyini ziyarət edib - YENİLƏNİB-3
16-06-2022, 18:35
Prezident İlham Əliyev IX Qlobal Bakı Forumunda çıxış edib - YENİLƏNİB-3
4-05-2022, 15:29
İlham Əliyev Vahid Hacıyevi qəbul edib - ÇIXIŞLAR
11-03-2022, 16:03
Azərbaycan QHT-ləri Avropa Parlamentinə etiraz etdi – MƏTN
22-02-2022, 23:37
İlham Əliyev və Vladimir Putinin birgə mətbuat konfransı TAM MƏTN - YENİLƏNİB + VİDEO
6-02-2022, 14:22
Azərbaycanın enerji diplomatiyası Qərbin selektiv və marginal siyasətinə qarşı – ŞƏRH
6-02-2022, 14:22
Azərbaycanın enerji diplomatiyası Qərbin selektiv və marginal siyasətinə qarşı – ŞƏRH
27-04-2021, 14:25
“Ağıllı kənd”in təməli qoyuldu, 200 fərdi ev tikiləcək
31-12-2020, 23:10
İlham Əliyev Azərbaycan xalqına müraciət etdi
24-07-2020, 09:42
İlham Əliyevin yanında su təsərrüfatının vəziyyətinə həsr olunmuş müşavirə keçirildi - YENİLƏNİB + FOTO/VİDEO
