Azərbaycan Qida Təhlükəsizliyi Agentliyi (AQTA) nəzarət tədbirləri çərçivəsində ötən gün ölkə üzrə 405 ictimai iaşə obyektində 669 monitorinq keçirib.
AQTA-dan Sahibkartv.az-a verilən məlumata görə, monitorinqlər zamanı dörd müəssisədə qanunvericiliyin tələblərinin kobud şəkildə pozulması faktları aşkarlanıb.
Aşkar edilən nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb. Bakı şəhərinin Səbail, Xətai rayonu, həmçinin İsmayıllı rayonu və Şəki şəhərində ictimai iaşə müəssisələrində pozuntular aşkar edilib.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir.