Beynəlxalq Maliyyə Korporasiyası (IFC), qadın sahibkarların dəstəklənməsi üçün xüsusi investisiya fondu yaradıb. Sahibkartv.az xəbər verir ki, "Women Entrepreneurs Fund" adlanan bu təşəbbüs, qadınların biznes ideyalarını reallaşdırmaq üçün maliyyə və təlim dəstəyi təqdim edir.
İlkin mərhələdə fond 500 milyon dollar həcmində investisiya cəlb edib və bu vəsaitin əsas hissəsi Asiya, Afrika və Latın Amerikasındakı qadın sahibkarlar üçün ayrılıb.
Maliyyələşdirilən ilk layihələr arasında kənd təsərrüfatı texnologiyaları, rəqəmsal ticarət və təhsil texnologiyaları sahələrində fəaliyyət göstərən startaplar var. Bu təşəbbüsün, qadın sahibkarlığının qlobal miqyasda inkişafına mühüm töhfə verəcəyi gözlənilir.