Azərbaycan sahibkarlarının xarici bazarlara çıxışını asanlaşdırmaq üçün yeni ixrac portalı yaradılıb. Sahibkartv.az xəbər verir ki, Portal vasitəsilə sahibkarlar öz məhsullarını beynəlxalq bazarlara təqdim edə biləcək, sertifikatlaşdırma proseslərini onlayn şəkildə idarə edə biləcəklər. Portalda ölkələr üzrə ixrac tələbləri, gömrük rüsumları və logistika xidmətləri barədə məlumatlar təqdim olunur. Bu platforma xüsusilə kiçik və orta sahibkarların beynəlxalq bazara inteqrasiyasını dəstəkləyir. Portal üzərindən eyni zamanda xarici müştərilər və investorlarla əlaqə qurmaq mümkün olacaq. Azərbaycan məhsullarının dünya bazarında tanınmasını artırmaq məqsədilə platformada yerli brendlərin sərgiləri də təşkil ediləcək.