Öncədən məlumat verildiyi kimi, “Gəncə İş Adamları” İctimai Birliyi tərəfindən Gəncə - Daşkəsən iqtisadi rayonunda sahibkarlığın inkişafı ilə bağlı sosial-iqtisadi yönümlü regional miqyaslı layihələrin reallaşdırılması istiqamətində tədbirlərin həyata keçirilməsi davam etdirilir.
Region üzrə elmi əsaslandırılmış proqram və layihələrin hazırlanması, uğurla həyata keçirilməsi, birliyin üzvləri, həmçinin müvafiq dövlət qurumları ilə əlaqələrin koordinasiya edilməsi məqsədilə təşkilatda yeni kadr təyinatı olub.

Belə ki, “Gəncə İş Adamları” İctimai Birliyinin Gəncə - Daşkəsən iqtisadi rayonu üzrə nümayəndəliyinin rəhbəri UTECA (Azərbaycan Texnologiya Universiteti) rektorunun tədris və sənaye üzrə müşaviri, iqtisad üzrə fəlsəfə doktoru, dosent Aqil Eyvazov təyin edilib.
Qeyd edək ki, A.Eyvazov bugünə kimi elmi və pedaqoji fəaliyyətlə yanaşı, dövlət və özəl sektorda müxtəlif rəhbər vəzifələri icra edib. 
Xatırladaq ki, GİA üzvlüyü üçün aşağıdakı link vasitəsilə müraciət edə, həmçinin 055 303 99 77 nömrəsi ilə əlaqə saxlaya bilərsiniz: https://gia.org.az/uzvluk-muracieti.html