Azərbaycanda qiymətli kağızların yerləşdirilməsi üzrə anderraytinq xidmətini birdən artıq investisiya şirkətinin birgə təklif edə biləcək.
Sahibkartv.az xəbər verir ki,bu, İnvestisiya şirkətləri tərəfindən investisiya xidmətlərinin həyata keçirilməsini tənzimləyən yeni qaydalar təsdiq edilməsilə əlaqədar Mərkəzi Bankın yaydığı məlumatda bildirilir.
Qeyd edilib ki, Bu dəyişiklik investisiya şirkətlərinin anderraytinq üzrə imkanlarının birləşdirilməsinə və ümumi emissiyaların məbləğinin artırılmasına imkan verəcək. Həmçinin, fərdi investorların portfelinin idarə edilməsi, investisiya məsləhətinin verilməsi və digər investisiya xidmətlərinə dair tələblər beynəlxalq təcrübə nəzərə alınmaqla təkmilləşdirilib