Birləşmiş Millətlər Təşkilatının (BMT) Ərzaq və Kənd Təsərrüfatı Təşkilatının (FAO) məlumatlarına görə, taxıl, yağ, ət və südün qiymətlərindəki dəyişiklikləri izləyən FAO Qida Qiymət İndeksi İyunda May ayı ilə müqayisədə 2,5% geriləyib, ötən ilin İyun ayı ilə müqayisədə isə 33,9% yüksəlib.
Marja xəbər verir ki, 2021-ci ilin May ayında 127,8 dəyərini alan indeks, İyun ayında 124,6 olaraq açıqlanıb. 
İyun ayındakı azalma, ardıcıl 12 aylıq artımın ardından İndeksdə ilk azalmadır.
İyun ayındakı geriləmə, bitki mənşəli yağlayarın, taxılın və südün qiymətlərindəki azalmanı əks etdirir. Ət və şəkər qiymətləri isə artmaqda davam edib.
- FAO Taxıl Qiymət İndeksi iyunda 2,6% geriləyib,
- FAO Bitki mənşəli Yağ Qiymət İndeksi İyunda 9,8% düşüb,
- FAO Süd Məhsulları Qiymət İndeksi İyunda  1% azalıb,
- FAO Şəkər Qiymət İndeksi iyunda 0,9% artıb,
- FAO Ət qiymət İndeksi İyunda  2,1% artıb.