Avropa Mərkəzi Bankı (AMB) faizləri və pandemiya alış proqramını 1,85 trilyon avroda dəyişməz saxlayıb. Ancaq AMB pandemiya alışlarını mülayim şəkildə yavaşladacaq 
Avropa Mərkəzi Bankı (AMB, ECB) əsas (baza) faiz dərəcəsini sıfır səviyyəsində saxlayıb.
SahibkarTV.az xəbər verir ki, müvafiq qərar bu gün tənzimləyicinin İdarə Heyətinin iclasında qəbul edilib.
Depozitlər üzrə faiz dərəcəsi də eyni səviyyədə - mənfi 0,5%-də, qısamüddətli kreditlər üzrə faiz 0,25%-də saxlanılıb.
İdarə Heyəti, "faiz dərəcələrinin, inflyasiya hədəflənən səviyyə olan 2% -ə çatana qədər cari səviyyələrdə və ya aşağı qalacağını" gözləyir.
Eyni zamanda, komitənin fikrincə, orta müddətdə hədəf səviyyəsində inflyasiyanın sabitləşməsinə nail olmaq olar.
ECB, aylıq 20 milyard avroluq aktiv satınalma (APP) proqramına davam edəcək. Tənzimləyici əlavə edib ki, eyni zamanda, bu proqram çərçivəsində alınan qiymətli kağızlar üzrə ödənişlərin yenidən yatırılması da əsas faiz dərəcələrinin artırılması mərhələsinin başlanmasından çox sonra baş verəcək.
Tənzimləyici, pandemiya ilə əlaqədar olaraq ən azı 2022-ci ilin mart ayının sonuna qədər və ya koronavirusla əlaqəli böhran mərhələsinin bitməsinə qərar verilənə qədər cəmi 1,85 trilyon avroluq istiqraz satın alma proqramını (PEPP) davam etdirəcək.  Amma bu proqram daxilindəki alışların yavaş ediləcəyinin mesajını verib.
"İdarə Heyəti, zərurət yarandıqda, hədəfinə doğru inflyasiyanın davamlı hərəkətini təmin etmək üçün bütün vasitələrini tənzimləməyə hazırdır", - ECB vurğulayıb.
Avropa Mərkəzi Bankının növbəti iclası oktyabrın 28 -də baş tutacaq