İran ABŞ ilə danışıqların İstanbuldan Omana köçürülməsini tələb edib.

“Axios” nəşrinin jurnalisti Barak Ravidin məlumatına görə, İran rəsmiləri son günlər əldə olunan razılaşmalardan geri çəkilərək danışıqların yerinin dəyişdirilməsini istəyiblər.

Ravid bildirib ki, İran tərəfi razılaşdırılmış formatdan imtina etməyə qərar verib. Mənbələrə görə, Tehran indi danışıqların İstanbuldan Omana köçürülməsini tələb etməklə yanaşı, formatı dəyişmək və danışıqları ABŞ və İran arasında ikitərəfli müzakirələr şəklində keçirmək istəyir. Tehran artıq ərəb və müsəlman ölkələrinin müşahidəçi kimi iştirakını istəmir.

Ehtimallara görə, Tehran bu yolla danışıqları beynəlxalq nəzarətdən çıxarmaq və prosesi daha qapalı formatda idarə etmək niyyəti güdür.