Ukrayna Pokrovsku saxlaya bilməsə, ruslar üstünlük əldə edəcək və bu sektora əlavə PUA operatorları yerləşdirə biləcəklər.

Axar.az xəbər verir ki, bunu Ukrayna Təhlükəsizlik və Əməkdaşlıq Mərkəzinin icraçı direktoru Dmitri Jmaylo deyib.

Onun sözlərinə görə, Ukraynanın şərqində, xüsusilə Mirnoqrad və Pokrovskda vəziyyət çətin olaraq qalır, lakin Ukrayna Müdafiə Qüvvələri hələ də mühüm mövqeləri saxlayır:

"Amma indi bu sektorda mümkün olan hər şeyi etməsək, o zaman rusların həqiqətən üstünlüyü olacaq.

Onlar bütün Pokrovsku işğal etsələr, bu sektorda və şimaldan qərb istiqamətində müdafiəni çətinləşdirmək üçün əlavə PUA ekipajları gətirəcək, Dnepropetrovsk vilayətinin şərq hissəsini terrora məruz qoyacaq. Məhz buna görə də şəhərə Baş Kəşfiyyat İdarəsi və Xüsusi Əməliyyat Qüvvələri də daxil olmaqla elit bölmələr göndərilib.

Ruslar Pokrovski tutsa, bu, cəbhədəki vəziyyəti xeyli dəyişəcək".