Yəhudi dövlətinin şərtləri yerinə yetirilməyənə qədər İsrail Livanda atəşkəsə razı olmayacaq.
Sahibkartv.az "Kan"a istinadən xəbər verir ki, bu barədə İsrailin xarici işlər naziri İsrael Katzın Almaniya, Britaniya, İtaliya və Kanada da daxil olmaqla 25 ölkədən olan həmkarlarına müraciətində deyilir.
"İsrailin atəşi dayandırmasının yeganə məqbul yolu "Hizbullah"ı Litanidən (Livanın cənubundakı çay) şimala qovmaq və onu tərksilah etməkdir", - Katz vurğulayıb.
Qeyd olunur ki, yalnız BMT Təhlükəsizlik Şurasının Livanla bağlı bütün qətnamələrinin tam yerinə yetirilməsi atəşkəsə gətirib çıxaracaq. Əks halda, nazir əlavə edib ki, İsrail “vətəndaşların təhlükəsizliyini və şimal sakinlərinin evlərinə qayıtmasını təmin etmək üçün fəaliyyətini davam etdirəcək”.
İsrailli nazir vurğulayıb ki, İran İsrailə hücum edərsə, sonuncu cavab olaraq hücuma keçəcək.