Respublikaçılar Partiyasının prezidentliyə namizədi mitinq zamanı ABŞ-ın keçmiş prezidenti Donald Trampa sui-qəsd edib. Qulağından güllə yarası alan Tramp hücumdan saatlar sonra görüntülənib.
Donald Tramp atışmadan bir neçə saat sonra şəxsi təyyarəsindən enərkən görüntülənib.
NƏ OLUB?
ABŞ-ın Respublikaçılar Partiyasından prezidentliyə namizədliyini irəli sürən keçmiş prezident Tramp Pensilvaniya ştatında keçirilən mitinqdə tribunadan tərəfdarları qarşısında çıxış edərkən silahla hücuma məruz qalıb.
Sağ qulağından yaralanan Trampın səhhətinin yaxşı olduğu bildirilib.
Hücumda mitinqə qatılan 1 nəfər ölüb, 2 nəfər yaralanıb. ABŞ Məxfi Xidməti mitinq sahəsinin kənarındakı yüksək yerdən kürsüyə qədər dəfələrlə atəş açan hücumçunun zərərsizləşdirildiyini açıqlayıb.
ABŞ Federal Təhqiqat Bürosu (FTB) hücumu sui-qəsd cəhdi kimi qiymətləndirib.
Araşdırmalardan sonra FTB sui-qəsdə cəhd edən və hadisə yerində öldürülən şəxsin 20 yaşlı Tomas Metyu Kruks olduğunu açıqlayıb.
