Avstraliyanın baş naziri Entoni Albanese Rusiyanın Kanberradakı səfirliyinin Moskva adına casusluq etdiyi iddia edilən cütlüyün saxlanılması ilə bağlı açıqlamasına reaksiya verib.
ABC News Australia-nın məlumatına görə, Albanese Brisbendə qatıldığı tədbirdə jurnalistlərə açıqlama verib.
Albanese Rusiyanın Avstraliyadakı səfirliyinin Rusiyaya casusluq etdikləri iddia edilən cütlüyün saxlanmasının "anti-Rusiya paranoyası" alovlandırdığına dair bəyanatını tənqid edib.
Rusiyanın "heç bir etibarlılığı qalmadığını" iddia edən Albanese, "Rusiyaya mesajım budur: Geri çəkilin" dedi. dedi.
Rusiyanın Kanberradakı səfirliyinin dünən X platformasında etdiyi paylaşımda cütlüyün saxlanmasının “Avstraliyada yeni anti-Rusiya paranoyası dalğasını başlatmaq məqsədi daşıdığı” bildirilib.
Avstraliyada Rusiyanın xeyrinə casusluq etdiyi iddia edilən cütlük saxlanılıb
Dünən Avstraliyada əsgər Kira Korolev və əri İqor Korolev Rusiyaya casusluq etdikləri səbəbi ilə saxlanılıb. Rusiya əsilli Avstraliya vətəndaşı olan cütlük Avstraliya Müdafiə Qüvvələrinə (ADF) aid sənədləri Rusiya ilə paylaşmaqda günahlandırılıb.
Nəzarətə alınan cütlük casusluq ittihamı ilə 15 ilə qədər həbs tələbiylə mühakimə olunmaq üçün məhkəməyə sövq edildi.
