Azərbaycanda hiss olunan yeraltı təkanlarla bağlı rəsmi açıqlama verilib. 
AMEA nəzdində Respublika Seysmoloji Xidmət Mərkəzinin direktoru Qurban Yetirmişli  respublika ərazisində 5,1 bal gücündə zəlzələ olub:
“Şamaxı ərazisində yerli vaxtla 16:46-da maqnitudası 5,1 bal gücündə zəlzələ olub. Dərinliyi müxtəlif dərəcələrdə olduğuna görə bir çox rayonlarda hiss olunub. Bəzilərində 3, bəzilərində 4 bal gücündə hiss edilib. Ehtimal edilir ki, episentrə yaxın köhnə tikililərdə çatlar əmələ gəlsin. Amma normal tikililərdə çat və ya başqa problemin yaşanması gözlənilmir”.
17:08
Respublika ərazisində zəlzələ olub. 
Yeraltı təkanlar Bakı, Sumqayıt, Quba, Xaçmaz, Şamaxı, Ağsu, İsmayıllı, Şirvan, Beyləqan, Sabirabad, İmişli, Ucar, Göyçay, Hacıqabul, Mingəçevir və digər ərazilərdə hiss edilib.
Sosial şəbəkə istifadəçiləri zəlzələnin hiss edildiyini yazırlar.
Yeraltı təkanların təxminən 16:45 radələrində olduğu paylaşılır.