Ermənistan tərəfi atəşkəs rejiminin tələblərinə əməl etmir 
Azərbaycan Müdafiə Nazirliyi bildirir:
Ermənistan-Azərbaycan dövlət sərhədində Bakı vaxtı ilə saat 10:00-dan etibarən atəşkəsin elan olunması ilə bağlı Rusiya tərəfinin təşəbbüsü tərəfimizdən qəbul edilmişdir. 
Buna baxmayaraq, Ermənistan tərəfi əlavə olaraq tank və 120-millimetrlik minaatanlardan istifadə etməklə vəziyyəti gərginləşdirməkdə və mövqelərimizi atəşə tutmaqda davam edir. 
Qeyd edək ki, rəsmi Moskva saat 10: 00-dan etibarən sərhəddə atəşkəs elan etməyi təklif edib. Azərbaycan Müdafiə Nazirliyi təklif ilə razılaşıb.
Ermənistan Müdafiə Nazirliyi yaydığı məlumatında iddia edib ki, Azərbaycan Silahlı Qüvvələri ermənilərin mövqelərinə hücum edib. Guya  Azərbaycan Silahlı Qüvvələri itkilər verərək əvvəlki mövqelərinə qayıtmağa məcbur olublar. Atışma davam edir.