Rusiya dollar istifadəsindən tamamilə imtina etməyi qarşısına məqsəd qoymur. Bunu çərşənbə günü Rusiyanın xarici işlər naziri Sergey Lavrov forumda çıxış edərkən söyləyib.
“Biz, həqiqətən, iqtisadiyyatımızın, maliyyə sistemimizin dedollarlaşması ilə məşğul olmaq istəyirik. Artıq valyuta ehtiyatlarımızın dollarla saxlanılmayacağına qərar verilib, müvafiq tədbirlər görülür. Ancaq bir daha vurğulayacağam: bu, ümumiyyətlə dolları istifadə etməkdən imtina etdiyimiz anlamına gəlmir ”,- Lavrov deyib.
Xarici işlər naziri, Rusiyanın digər ölkələrlə ikitərəfli hesablaşmalarda da milli valyutalardan istifadə etməyə çalışdığını qeyd edib: “Getdikcə daha çox digər valyutalara etibar etməyə çalışırıq. Tərəfdaşlarımızla - Çinlə, digər Şanxay Əməkdaşlıq Təşkilatına üzvü olan ölkələrlə, bir sıra digər ölkələrlə ikitərəfli ticarətdə milli valyutalara üstünlük veririk”.
Sankt-Peterburq Beynəlxalq İqtisadi Forumunda çıxışı zamanı Rusiyanın maliyyə Naziri Anton Siluanov, Rusiyanın dollar aktivlərindən tamamilə imtina edərək, Rusiya Ehtiyatlar Fondunun (NWF) investisiya strukturunu əsaslı şəkildə dəyişdirəcəyini açıqlayıb. Ölkənin ehtiyatlarında Çin yuanının payı iki dəfə artacaq.