ABŞ Maliyyə Nazirliyi, aprel ayına dair büdcə hesabatını yayımlayıb.
 1 Oktyabr 2020-də başlayan və 30 Sentyabr 2021-də sona çatacaq 2021-ci maliyyə ilinin aprel ayında federal hökumətin büdcə kəsiri 226 milyard dollar olaraq hesablanıb. Büdcədə keçən ilin eyni ayında 738 milyard dollar kəsir yaranmışdı. Aprel ayında büdcə kəsiri keçən ilin eyni ayı ilə müqayisədə 69,4% azalıb.
Bu dövrdə büdcə xərcləri keçən ilin eyni ayı ilə müqayisədə 32,2% azalaraq 664,8 milyard dollara geriləyib, büdcə gəlirləri 81,6% artımla 439,2 milyard dollar yüksəlib.
7 aylıq büdcə kəsiri 1,9 trilyon dollara çatıb
Ölkədə, 2021-ci maliyyə ilinin yeddi ayı ərzində cəmi büdcə kəsiri isə keçən ilin eyni dövrü ilə müqayisədə 30,4% artaraq 1,9 trilyon dollara çatıb. Büdcə kəsiri keçən ilin eyni dövründə 1,5 trilyon dollar səviyyəsində reallaşmışdı.
Maliyyə ilinin 7 ayındakı büdcə xərcləri keçən ilin eyni dövrü ilə müqayisədə 22,5% artaraq 4,1 trilyon dollara yüksəlib, büdcə gəlirləri 16,1%-lik artımla 2,1 trilyon dollar olub.
ABŞ-ın büdcə kəsiri, 2020-ci maliyyə ilində Kovid-19 epidemiyası ilə əlaqədar 3,1 trilyon dollar olmaqla rekord səviyyəyə çatmışdı.