Zaqatalanın Çobankol kəndində axşam saat 21:30-da piyadanın ölümü ilə nəticələnən yol-nəqliyyat hadisəsi baş verib. 
APA-nın məlumatına görə, rayonun Çobankol kənd sakini, 1976-cı il təvəllüdlü Şaban Murtuzəli oğlu Atayev “VAZ 2115” markalı minik avtomobili tərəfindən vurulub. 
Qəza zamanı müxtəlif dərəcəli ağır bədən xəsarətləri alan Ş.Atayev Zaqatala Rayon Mərkəzi Xəstəxanasına yerləşdirilib. 
Xəstəxanaya daxil olduqdan bir qədər sonra həkimlərin səylərinə baxmayaraq, Ş.Atayev aldığı xəsarətlərdən ölüb. 
Faktla bağlı Zaqatala Rayon Polis Şöbəsində araşdırma aparılır.